BERLIN-CHEMIE მოწოდებულია ისეთ საქმიან პარტნიორებთან თანამშრომლობაზე, რომლებიც აღიარებენ ჩვენს სოციალურ და გარემოსდაცვით ღირებულებებს და მოქმედებენ შესაბამისად.
იმისათვის, რათა გამართლდეს ჩვენი საკუთარი და კლიენტების მოლოდინები, BERLIN-CHEMIE ითვალისწინებს მდგრადობის საერთაშორისო მოთხოვნებს. მეტიც, ჩვენ მხარს ვუჭერთ გერმანული ქიმიური მრეწველობის მდგრადობის ინიციატივას (Chemie³) და ვისწრაფვით ქიმიურ-ფარმაცევტული მრეწველობის მდგრადი განვითარებისკენ.
ამ პასუხისმგებლობას ჩვენი მომწოდებლებიც უნდა იზიარებდნენ. შესაბამისად, მომწოდებლის მხრიდან BERLIN-CHEMIE-ის ბიზნესპარტნიორებისთვის პროფესიონალური ეთიკის კოდექსზე დათანხმებას ჩვენ განვიხილავთ საქმიანი ურთიერთობის აუცილებელ ბაზისად. აღნიშნული პრინციპი ვრცელდება მომწოდებლებთან ყველა სახის ურთიერთობაზე.
ბიზნესპარტნიორებისთვის პროფესიონალური ეთიკის ამ კოდექსით, რომელიც შეესაბამება Menarini Group-ის ქცევის კოდექსის სახელმძღვანელო პრინციპებს, ჩვენ ვაწესებთ მინიმალურ სტანდარტებს სოციალური, ეკოლოგიური, ეთიკური და საზოგადოებრივი პასუხისმგებლობის სფეროებში.
